ATIMIZA MIAKA 50 KATIKA UPADRE
Paroko wa parokia ya Buhororo Padre Barnaba Sumbuso amesema kuwa jubilee hiyo ni kwa ajili ya kutathimini shughuli ya uchungaji wa padre Lazaro ambaye mara baada ya kupata daraja hilo amekuwa na nyadhifa kadhaa jimboni humo
Sumbuso amesema kuwa waumini wanaunga na kiongozi wao kuadhimidha miaka 50 ya upadre ili kutafakari ufanisi wake katika Nyanja za elimu ,Uongozi na matumizi bora ya madarakakatika kutetea na kulinda haki za binadamu
Padre Lazaro Kadende alizaliwa mwaka 1934 kijijicha nakatunga wilayani Ngara na kujiunga na elimu ya msingi mwaka 1944 ambapo mwaka 1945 alibatizwa kisha kujiunga na seminari mwaka 1947 huko Rubya wilayani Muleba na kuendelea 1957 huko Katigondo Bukoba
Mnamo januari 1963 alipewa daraja la ushemasi na na mhashamu askofu Joseph Kiwanuka na tarehe 18 Desemba 1963 alipata daraja la Upadre na kuanza harakati za kumtumikia Mungu na kuchunga kondoo wake kwa njia za kiroho.
Akiongea na wanahabari mara baada ya misa takatifu ya shukrani ambayo mahubiri yametolewa na padre Remijius Bukuru padre Kadende amesema kuwa katika utumishi wake amekumbana na changamoto mbalimbali lakini amekuwa na uvumilivu katika kueneza neno la Mungu
“Niliwahi kuzama ndani ya kivuko cha mto ruvubu pale kumwendo nikiwa bado kijana mbichi nikielekea makao makuu ya jimbo wakati ule ni jimbo la Rulenge na nilikuwa ndani ya gari lakini nilipitia mlango wa gari hilo na kuogelea nikatoka”
Amesema na kuongeza kuwa “Nawasihi vijana kuwa na uvumilivu na kulipenda kanisa katika kulitumikia”
Amesema akiwa katika seminari ya Rubya alikuwa na wenzake 27 na alihamia seminari ya katigondo na wenzake wanane na sasa katika kulitumikia kanisa wamebakia mapadre wawili yeye na padre Mathias Balikwendela wa Bukoba
Imeelezwa kuwa Padre Lazao Kadende katika utumishi wa daraja la upadre ametumikia parokia mbalimbali za jimbo la Rulenge Ngara na kuwa mkurugenzi wa elimu jimboni ,mkurugenzi wa vipindi vya radio na makamu wa baba Askofu
Hata hivyo baba askofu wa jimbo la Rulenge Ngara mhashamu Severini Niwe Mugizi ametoa rai kwa wazazi kuwapa moyo watoto wao kuwa na miito ya utume kwa kuwapatia mafunzo ya imani kupitia kwa walimu wa kiroho.
Amesema kuwa vijana pia watumie elimu na vipaji waliojaliwa na mungu bila kulazimishwa walitumikie kanisa kwani kazi ya kulitangaza neon la Mungu ni kama kazi nyingine na mafanikio yake yanajengwa na upendo kuhubiri amani na subira.
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
