MKUU WA MKOA WA KAGERA AZINDUA WIKI YA MAJI KWA KUTEMBELEA MIRADI YA MAJI MKOA MZIMA
Hayo yalisemwa na Mkuu wa mkoa
akizindua wiki ya maji Mkoani Kagrera tarehe 17/03/2014 katika Manispaa ya
Bukoba. Mhe. Massawe katika kuadhimisha wiki ya maji anatembelea na kukagua
miradi ya Maji inayotekelezwa katika Halmashauri za Wilaya zote za mkoa wa Kagera
Mhe. Massawe alizindua wiki ya
Maji alitembelea na kukagua mradi wa Majisafi na Usafi wa Mazingira
unaofadhiliwa na serikali ya Ufaransa kupitia Shirika lake la Maendeleo la (AfD) unaotekelezwa katika Manispaa ya Bukoba kwa kushirikiana na Serikali ya Tanzania na
Mamlaka ya Majisafi na Maji taka Bukoba.
Mradi huo utakaogharimu Shilingi billion 27,528,304,236 tayari umetekelezwa
kwa asilimia 30 na bado unaendelea kujengwa na Kampuni ya kutoka India
(Technofab-Gammorn-Toddy Joint Venture) na Msimamizi / Mshauri (Consultant) ni Laymer GKW Consult kutoka
Ujerumani.
Baada ya mradi huo kuwa
umekamilika unatarajia kutoa hudum ya maji katika kata 4 za Buhembe, Kagondo,
Kahororo na Nyanga ambazo zikuwa hazipati huduma ya maji na kukamilisha huduma
hiyo katika kata 14 ambapo wananchi watapata
maji kwa asilimia 90 kutoka
asilimia 75 za awali.
Pamoja na Mradi huo Manispaa ya
Bukoba pia itanufaika na Miradi mingine mitatu ambayoni : Mradi wa Ujenzi wa
Mfumo wa Kutibu Maji taka eneo la Nyanga. Mradi wa Mfumo wa majitaka (Kwaajili ya eneo la Kati la mji wa Bukoba)
utakaogharimu EURO 226,675 na unafadhiliwa na Benki ya Dunia kupitia LVEMP II
Pia mradi wa tatu ni wa Maji
katika miji mikuu ya Wilaya 6 (Biharamulo, Bunazi/ Kyaka, Chato, Kayanga/Omurushak
, Muleba na Ngara) na mradi huo utagharimu kiasi cha USD 817,800 na
unafadhiliwa na Benki ya Dunia ikishirikiana na Serikali ya Tanzania.
Mkuu wa Mkoa wa Kagera anaendele
na ziara ya kukagua miradi ya maji wilayani ambapo katika Wilaya ya Missenyi
alitembelea na kukagua ujenzi wa Mradiwa Majia katika kijiji cha Rukulungo
wenye gharama ya shilingi milioni 347, na umejengwa kwa asilimia 70.
Wilaya ya Kyerwa Mhe. Massawe
alikagua mradi wa Maji Rwabikagati uliokamilika kwa asilimia 80 na utagharimu
zaidi shilingi milioni 880. Katika Wilaya ya Karagwe Mhe. Massawe alitembelea
na kukagua mradi wa Maji Chanika uliokamilika kwa asilimia 70 na utagharimu
shilingi milioni 734 ukikamilika.
Baada ya kutembelea na kukagua
miradi hiyo ya maji Mkuu wa mkoa alitoa maagizo kwa Wakandarasi wa miradi hiyo kuhakikisha miradi
hiyo inakamilika kwa wakati ili lengo la serikali litimie kwa wananchi kwa kupata huduma ya maji safi na salaama ifikapo 2015.
Mhe. Massawe pia aliagiza baadhi
ya Kamati za maji ambazo ziliundwa na hazitekelezi majukumu yake ipasavyo
zivunjwe na kuundwa upya ili kuleta ufanisi katika kuhaklikisha miradi ya maji
inafanya kazi na kutunzwa kama inavyotakiwa.
Aidha Mkuu wa Mkoa alitoa agizo
kwa taasisi za Serikali kuhakikisha zinalipa madeni ya ankara zao za maji kwani Taasisi hizo ndizo zinaongoza kwa Madeni
jambo ambalo linazifanya Mamlaka za Maji
kushindwa kujiendesha na kuimarisha huduma za maji kwa wananchi.
Angalizo, Mhe. Masswe alitoa
angalizo kwa wananchi miradi inakotekelezwa kuwa miradi hiyo itakapokuwa
imekamilika huduma haitatolewa mpaka pale wananchi watakapokuwa wamemaliza
kuchangia miradi hiyo ambayo wanantakiwa kuchangia asilimia 2.5 kwa kila mradi.
Imeandaliwa na:
Sylvester Raphael
AFISA HABARI
RS-KAGERA@2014
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
