SEARCH -TAFUTA

.

SIR.LOOM INC

06 September 2018

MGOGORO WA WANANCHI WA RUTORO NA WAWEKEZAJI KATIKA VITALU VYA UFUGAJI KAGOMA WILAYANI MULEBA KUMALIZWA HARAKA NA RC GAGURTI

Mkuu wa Mkoa Brigedia Marco E. Gaguti awahidi wananchi wa Rutoro Wilayani Muleba ambao ni wakulima kushughulikia haraka migogoro ya ardhi kati yao na Wawekezaji wenye vitalu katika Kampuni ya Ranchi za Taifa (NARCO) Mkoani Kagera ili wawekezaji waweze kufuga kwa tija na wakulima waendeshe kilimo chao bila kuingiliana na wawekezaji ambao ni wafugaji.
 Mkuu wa Mkoa Gaguti alitoa ahadi hiyo Septemba 6, 2018 akitembelea vitalu vya Kampuni ya Ranchi za Taifa (NARCO) Kikurula Wilayani Karagwe na Kagoma Wilayani Muleba ambapo alikagua uwekezaji wa NARCO eneo la Kikurula na kukutana na wananchi wa Rutoro ambao wana mgogoro wa muda mrefu na wawekezaji ambao walipewa vitalu na Serikali kuendesha ufugaji wa kisasa na baadhi ya vitalu hivyo kuvamiwa na wananchi hao.
Wanachi wa Rutoro wakitoa malalamiko yao kwa Mkuu wa Mkoa wa Kagera walidai kuwa wanashindwa kuendeleza maeneo yao ya kilimo kutokana na Serikali kutomaliza mgogogro kati yao na Wawekezaji ambao ni wafugaji na mgogoro huo umedumu kwa takribani miaka kumi na miwili toka mwaka 2006 hadi sasa.
 Baada ya kusikiliza malalamiko hayo kutoka kwa wananchi na kutembelea Vitalu vya wawekezaji ambao ni wafugaji Mkuu wa Mkoa Gaguti aliwaeleza wananchi wa Rutoro pamoja na Wawekezaji kuwa alikwenda maeneo hayo kujifunza, kuona na kusikia mwenyewe juu ya mgogoro huo ili autafutie ufumbuzi wa haraka ili kila upande uendelee na shughuli zake za kulijenga taifa.
Katika hatua nyingine Meneja wa Kampuni ya Ranchi za Taifa (NARCO) Mkoani Kagera Bw. Mashaka Mlonge alimweleza Mkuu wa Mkoa kuwa NARCO sasa inafanya tathimini upya kuona wawekezaji ambao hawajawekeza na kuviendeleza vitalu vyao kama walivyokubaliana na Serikali ambapo tayari Vitalu vitano kati ya 54 vilivyopo Mkoani Kagera Wawekezaji wake wamepewa “notice” ya kuachia vitalu hivyo.
Na: Sylvester Raphael
Instagram @bukobawadau

0 comment:

 

WASILIANA NASI KUPITIA 0715505043 / 0784505045 0768397241 / 0754505043

.

SIR.LOOM INC & MC BARAKA

.

IDADI YA WATU