WAZIRI MKUU KASSIM MAJALIWA AWAASA WAJUMBE WA KAMATI KUU CCM MKOA KUACHA MALUMBANO NA MIGOGORO ILI CHAMA KIISIMAMIE SERIKALI KUTEKELEZA ILANI

Na: Sylvester Raphael
Waziri Mkuu wa Jamhuri ya Muungano wa Tanzania Kassim Majaliwa katika siku yake ya pili ziarani Mkoani Kagera afanya kikao na Kamati Kuu ya Chama Cha Mapinduzi (CCM) Mkoa na kuongea na wajumbe wa kamati hiyo ambapo amewakumbusha wajibu wao wa kuhakikisha CCM inawafikia wananchi hadi ngazi za chini.

Waziri Mkuu Kassim Majaliwa ambaye ni mlezi wa CCM mikoa ya Kagera na Kigoma katika kikao cha Kamati Kuu CCM mkoa aliwataka wajumbe kuhakikisha chama hicho kinakuwa mkombozi na kuleta matumaini kwa wananchi kwa kuisimamia Serikali kutekeleza ilani na kutimiza ahadi zilizohaidiwa na chama hicho mwaka 2015.

Waziri Mkuu Kassim Majaliwa mlezi wa CCM mkoa wa Kagera aliwakumbusha Wakuu wa Wilaya kuhakikisha wanawasilisha taarifa za Wilaya zao za utekelezaji wa ilani katika vikao vya Halmashauri Kuu za Wilaya kama Mkuu wa Mkoa wa Kagera anavyofanya kwa kuwasilisha taarifa ya utekeklezaji wa ilani ya mkoa katika Kikao cha Kamati kuu CCM Mkoa.

Akitoa ufafanuzi juu ya uwasilishwaji wa taarifa hizo Waziri Mkuu Kassim Majaliwa alisema kuwa Wakurugenzi Watendaji wa Halmashauri za Wilaya wanantakiwa kuandaa taarifa hizo na Wakuu wa Wilaya kuziwasilisha katika Vikao vya Kamati Kuu za Wilaya ili Chama (CCM) ambacho kimeiweka Serikali madarakani kiweze kuisimamia vizuri Serikali yake. Aidha alimwagiza Mkuu wa Mkoa wa Kagera kusimamia agizo hilo kwa Wakuu wote wa Wilaya za Mkoa wa Kagera.

Pia Waziri Mkuu Kassim Majaliwa aliwataka wajumbe wa Kamati Kuu CCM Mkoa kuacha malumbano na migogoro katika chama badala yake washikamane na kushirikiana kuhakikisha CCM inatekeleza ahadi zake kwa wananchi pia na kuisimamia Serikali kutekeleza ilani katika maeneo mbalimbali ya mkoa wa Kagera.

Vile vile Waziri Mkuu Kassim Majaliwa aliwaagiza Wakurugenzi watendaji wa Halmashauri za Wilaya kuhakikisha wasimamia ukusanyaji wa mapato ya ndani ya kutosha na kushirikiana na Wenyeviti wa Halmashauri zao kutenga fedha za kuchimba visima vya maji vifupi na virefu kwa wananchi ili kumtua mama ndoo kichwani.

“Nitashangaa kama Mkurugenzi atashindwa kusimamia mabilioni ya fedha za miradi ya maji tulizo waletea ili wananchi wake wapate maji, pia nafurahi Wenyeviti wa Halmashauri mpo hapa hebu shirikianeni kukusanya mapato katika Halmashauri zenu na mtenge angalau million 20 kwajili ya kuchimba visima vya maji vifupi wananchi wetu wapate maji.” Alifafanua Waziri Mkuu Kassim Majaliwa.

Katika hatua nyingine Waziri Mkuu Kassim Majaliwa aliwaeleza wajumbe wa Kamati Kuu CCM Mkoa kuwa Kamati Kuu CCM taifa ilimwagiza kutilia mkazo kwenye kilimo hasa kilimo cha kahawa Kagera ambapo alisema kuwa anazo taarifa kuwa Vyama Vikuu vya Ushirika Mkoani humo baadhi vimelipa malipo ya pili na vingine bado vinaendelea kukamilisha huku vikijiandaa na msimu mpya.

“Zao la kahawa ni zao pendwa Mkoani Kagera wahimizeni wananchi waendelee kulima kwa nguvu zao hili lakini pia sisi wajibu wetu ni kuimalisha kilimo hiki na nawaagiza viongozi kujipanga na msimu mpya ujao ili tusije kuingia katika matatizo yaliyotokea msimu uliopita.” Aliagiza Waziri Mkuu Kassim Majaliwa.

Mwisho Waziri Mkuu Kassim Majaliwa aliwataka wajumbe wa Kamati Kuu CCM Mkoa wa Kagera kulinda mali za chama na kuacha kugombania mapato yanayotokana na baadi ya vitega uchumi vya chama hicho kwani wote wanajenga nyumba moja.

WAZIRI MKUU AWASILI MKOANI KAGERA NA KUTOA WITO KWA WAKANDARASI WAZAWA KUKAMILISHA MIRADI KWA WAKATI WANAYOPEWA NA SERIKALI BILA VISINGIZIO

 Na: Sylvester Raphael

Waziri Mkuu wa Jamhuri ya Muungano wa Tanzania Kassim Majaliwa Majaliwa amewasili Mkoani Kagera leo tarehe 20 Februari, 2019 kwa ziara ya siku mbili ambapo mara baada ya kuwasili Nyakanazi Wilayani Biharamulo akitokea Mkoani Kigoma aliongea na wananchi katika Mkutano wa hadhara na kuwaeleza wananchi jinsi Serikali inavyoendelea kutekeleza miradi mbalimbali ya maendeleo hasa katika Mkoa wa Kagera.

Katika Mkutano wa hadhara Waziri Mkuu Kassim Majaliwa alitoa wito kwa Sekta binafsi pale zinapoaminiwa na Serikali na kupewa miradi ya kutekeleza kuhakikisha miradi hiyo inatekelezwa na kukamilika kwa wakati. Waziri Mkuu alisikitishwa na Mkandarasi anayeendelea kujenga barabara ya Nyakanazi Kibondo Kilometa 50 (Nyanza Roadworks Ltd) kutomaliza barabara hiyo kwa wakati pamoja na kuwa Serikali tayari imeilipa Kampuni hiyo ya Kitanzania fedha za kujenga barabara hiyo.

“Sijaridhishwa na kiwango cha ujenzi wa barabara ya Nyakanazi Kibondo, jana nimeongea na Mkandarasi anasingizia hana malori na hana vifaa wakati tayari tumemlipa fedha. Serikali imekuwa ikakaa na Sekta binafsi na kuongea nao na kilio chao kilikuwa ni kuaminiwa na kupewa kazi na Serikali lakini walio wengi hawatekelezi miradi hiyo na kuimaliza kwa wakati mfano hii barabara imeanza tangu mwaka 2014 mpaka sasa bado Mkandarasi anajikongoja tu.” Alieleza Waziri Mkuu Kassim Majaliwa.

Waziri Mkuu Kassim Majaliwa alisema kuwa kama Mkandarasi huyo atashindwa kukamilisha barabara hiyo ifikapo mwezi Aprili 2019 Serikali itamfukuza kazi. Barabara ya Nyakanazi Kibondo kilometa 50 ilianza kujengwa mwaka 2014 na kulingana na Mkataba ilitakiwa kuwa imekamilika ifikapo Juni 2016 lakini mpaka sasa bado haijakamilika. Aidha gharama za ujenzi wa barabara hiyo ni bilioni 45.986 mpaka kukamilika hadi kiwango cha rami.

 Waziri Mkuu Kassim Majaliwa pia aliwaeleza wananchi wa Nyakanazi waliokusanyika kumsikiliza kuwa Serikali ya Awamu ya Tano itahakikisha inakamilisha kwa asilimia 90% miradi yote ya maendeleo ambayo ilihaidiwa wakati wa uchaguzi mwaka 2015 katika sekta za Elimu, Maji, Afya na Miundombinu ya barabara na umeme kwa wananchi ifikapo mwaka 2020.

Pia Waziri Mkuu Kassim Majaliwa aliwaeleza wananchi wa Nyakanazi kuwa Serikali tayari imetabiri eneo la Nyakanazi kuwa litakuwa mji mkubwa hapo baadae kutokana na eneo hilo kukaa kimkakati ambapo kuna barabara kuu za kwenda nchi jirani za Rwanda , Burundi na Serikali tayari imeamua kupaboresha Nyakanazi kwa kutoa fedha shilingi bilioni tatu kujenga miundombinu mbalimbali ya kimkakati ili kuliandaa eneo hilo kuwa mji mdogo na wananchi wafanye biashara na na Serikali kuingiza mapato.

“Tayari mkataba umesainiwa kati ya Mkurugenzi wa Halmashauri ya Wilaya ya Biharamulo na Wizara ya Fedha ili ujenzi uanze na tunatarajia kujenga Kituo kikubwa cha Mabasi, Kituo cha kuegesha magari makubwa, Soko kubwa la kisasa, na Jengo kubwa la maduka na kituo kikubwa cha ukaguzi. Fedha tayari zipo na kinachosubiriwa ni kutangaza tenda. Tunataka Nyakanazi pabadilike kwa kasi kubwa na wananchi wanufaike na eneo hili la kimkakati.” Alisisitiza Waziri Mkuu Kassim Majaliwa.

 Katika hatua nyingine Waziri Mkuu Kassim Majaliwa aliwakemea viongozi wa Wilaya ya Biharamulo kuacha malumbano na ugomvi kati yao na wawe mfano kwa watumishi na wananchi wanaowaongoza na kushikamana na kushirikiana kuleta maendeleo kwa wananchi. Waziri Mkuu aliwaonya viongozi hao na kusema kuwa kama hawataacha ugomvi wao na malumbano atamshauri Rais wa Jamhuri ya Muungano aangalie upya uteuzi wao upya.

Mwisho Waziri Mkuu aliwataka watumishi wa Halmashauri ya Biharamulo kuhakikisha wanasimamia na kukusanya mapato ya Serikali ipasavyo. Pia aliwakumbusha wananchi wa Nyakanazi kuhakikisha wanakuwa wazalendo kwa kutumia mfumo wa nyumba kumi za usalama kuimarisha ulinzi na usalama hasa kwa wahamiaji haramu kutoka nchi jirani ambao wamekuwa wakija nchini na kufanya vitendo vya uharifu.

BALOZI KAMALA KUANDAA MKUTANO MKUBWA UJULIKANAO KAMA 'MISSENYI INVESTMENT FORUM'

TAZAMA katika Video hapo juu Mkutano wa Mbunge wa Jimbo Nkenge Balozi Diodorus Buberwa Kamala alipokutana  na wananchi wa Kata ya Kasambya Bunazi Wilayani Missenyi na kusikiliza kero mbalimbali za wananchi hao,Katika mkutano huo Mbunge Balozi Dr. Kamala ameweza kutolea ufafanzi sheria mpya zilizopitishwa na Bunge kama muswada wa sheria ambao pamoja na mambo mengine unaondoa kodi ya zuio la asilimia tano inayotozwa kwenye bei ya kuuzia madini kwa wachimbaji wadogo na kurekebisha Kodi ya Ongezeko la Thamani (VAT) kwa kutoa msamaha kwenye madini ya metali na vito yatakayouzwa katika masoko ya ndani ya nchi

Balozi Diodorus Buberwa Kamala amezitaja sheria zilizofanyiwa marekebisho ni Sheria ya Madini, ya Ushuru wa Bidhaa, Kodi ya Mapato, Mamlaka ya Serikali za Mitaa ya utozaji kodi ya majengo,na ya VAT.Amesema;Marekebisho hayo pia yanakusudia kuanzisha vituo vya ununuzi wa madini katika maeneo ambako masoko ya madini hayakuwepo, na kuweka utaratibu wa uingizaji madini nchini.
Pia katika Mkutano huo Mbunge Balozi Dr.Kamala ameongelea maandalizi ya Mkutano Mkubwa ujulikanao kama 'Missenyi Investment Forum' unaoandaliwa na Ofisi yake kwa kushirikiana na Ofisi ya Mkuu wa Wilaya pamoja na Halmashauri,Lengo kuu la mkutano huo ni kukuza na kubahinisha fursa za biashara katika sekta mbalimbali Wilayani Missenyi.

 Ndugu Kutone mdau wa maendeleo Missenyi akitoa hoja yake kwa Mbunge wa Jimbo la Nkenge

 Bwana Shahidu Chagulani pichani

 Mh.Twaha Diwani wa Kata Kasambya na Mh. Lidia Diwani viti maalum wakimsikiliza kwa makini katibu wa Mbunge wa Jimbo la Nkenge Ndugu Peter Mwafiwa.

 Katibu wa Mbunge wa Jimbo la Nkenge kwa tarafa ya Missenyi Ndugu Peter Mwafiwa 'Shegede' pichani akitolea jambo ufafanuzi katika mkutano huo uliofanyika Viwanja vya shule ya Msingi Kasambya.

 Baadhi ya wananchi wakifuatilia kinachojiri

Muendelezo wa matukio ya picha

MBUNGE BALOZI DR KAMALA AMWEZESHA NA KUMPONGEZA BI SICOLASTIKA BAHATI MWENYE ULEMAVU WA NGOZI

 Mbunge wa Jingo la Nkenge Balozi Dr.Diodorus Buberwa Kamala apokea kilio na kumwezesha Mama mwenye Ulemavu wa Ngozi (Albino) pichani kushoto Bi Sicolastika Bahati Mkazi wa  Kijiji Nyakuanga Kata Minziro Wilayani Missenyi,Bi Sicolastika mwenye watoto watatu aliweza kulima shamba lake lenye ukubwa wa heka 3 na kwa na kwa sasa anakabiliwa na changamoto ya kupalilia shamba hilo na hii ni kutokana na kutotakiwa kukaa juani  muda mrefu hivyo amemwomba Mbunge amwezeshe ili aweze kumudu hatua ya kupalilia.
Balozi Dr. Kamala ameguswa na Mama huyo anayejituma na kumsaidia kiasi cha shilingi laki Moja (100,000) na kumtaka Diwani wa kata ya Minziro amuingize katika makundi maalumu ya watu wenye Ulemavu ili aweze kunufaika.

 Balozi Dr.Diodorus Buberwa Kamala katika picha ya pamoja na Bi Sicolastika Bahati 

Baadhi ya Wakazi wa Kata Minziro wakimsikiliza Mbunge wao Balozi Dr. Kamala

 Pia Mbunge wa Jimbo la Nkenge Balozi Dr.Diodorus Buberwa Kamala ametoa pongezi kwa Viongozi wa Kata Minziro namna wanavyo jitahidhi kutatua migogoro ya ardhi wao wenyewe

Baadhi yaViongoji wa Kata ya Minziro pichani wakipongezwa na Mbunge wao Balozi Dr. Kamala

 Mzee Mutasi Diwani ya Kata Minziro akiongea mbele ya wananchi walioweza kuhudhuria mkutano wa Mbunge Balozi Dr. Kamala

 Hoja mbalimbali zikiendelea kutolewa na wananchi

 Mkutano ukiwa unaendelea katika Viwanja vya Chama cha Ushirika 'Minziro Cooperative Society'

 Wananchi wakitoa hoja zao kwa Mbunge Balozi Dr.Diodorus Buberwa Kamala

Wananchi wakiendelea kumsikiliza Mbunge wao Balozi Dr.Diodorus Buberwa Kamala anaye endelea na ziara zake Jimboni kila kata na baadhi ya Vijiji.

BALOZI DR KAMALA AENDELEA NA ZIARA YAKE JIMBONI ATOA MIFUKO 100 YA SARUJI KWA KILA SHULE YA SEKONDARI KUSAIDIA UJENZI NA UKARABATI WA MADARASA

 Mbunge wa Jimbo la Nkenge Balozi Dr Deodorus Kamala akiongea na wananchi wa Kijiji cha Nkerenge Kata Mutukula waliohudhuria mkutano wake wa hadhara uliofanyika jana Jumamosi Feb 16,2019 katika viwanja vya shule ya Msingi Nkerenge kata Mutukula na kusikiliza kero zao.

 Wadau mbalimbali wakiendelea kutoa hoja zao kuhusu masuala ya ardhi kama utakavyoweza kusikia kupitia sehemu ya video hapo chini

 Baadhi ya wananchi wakimsikiliza Mbunge wao

 TAZAMA KATIKA VIDEO HAPA CHINI  
Sehemu ya Video Balozi Dr Kamala akiendelea kuzungumza na wananchi wa Kijiji Nkerenge Kata Mutukula