VODACOM TANZANIA KUZINDUA WIKI YA MAADHIMISHO YA SIKU YA FISTULA DUNIANI MKOANI KAGERA – MANISPAA YA BUKOBA
Bw. Salum Mwalimu Meneja Uhusiano
wa Nje wa Vodacom Akimsikiliza kwa Makini Katibu Tawala Mkoa Kagera
Bw. Nassor Mnambila Kuhusu Uzinduzi wa Wiki ya Maadhimisho ya Siku ya
FISTULA Duniani Mkoani Kagera Katika Manispaa ya Bukoba Viunga vya Soko
Kuu.
Katibu
Tawala Mkoa Kagera Bw. Nassor Mnambila (Katikati) Akiwa Ofisini Kwake
Akiongea na Meneja Uhusiano wa Nje wa Vodacom Tanzania Bw. Salum Mwalim
Kuhusu Uzinduzi wa Maadhimisho ya Siku ya FISTULA Duniani Mkoani Kagera
Katika Manispaa ya Bukoba Viunga vya Soko Kuu Tarehe 17/05/2013. Kulia
ni Bw. Seif Hussein Katibu Tawala Msaidizi Miundombinu Sekretarieti ya
Mkoa wa Kagera.
Katibu Tawala
Mkoa Bw. Nassor Mnambila Akitoa neno Ofisini Kwake kuhusu Uzinduzi
wa Wiki ya FISTULA Tanzania Mkoani Kagera Wakati Alipokutana na
Mwakilisha wa Vodacom Tanzania Bw. Salum Mwalim Meneja Uhusiano wa Nje
wa Vodacom Tanzania.
Bw. Salum Mwalimu Meneja Uhusiano wa Nje wa Vodacom Tanzania Akiimsikiliza Katibu Tawala Mkoa Kagera Ofisini Kwake
Bw. Salum Mwalimu Meneja Uhusiano wa
Nje wa Vodacom Tanzania Akishikana Mkono na Katibu Tawala
Mkoa Kagera Bw. Nassor Mnambila Baada ya Makubaliano ya Uzinduzi wa
Wiki ya Maadhimisho ya Siku ya FISTULA Duniani Mkoani Kagera.
Kampuni ya Simu ya Vodacom
Tanzania yajipanga kuzindua wiki ya Maadhimisho
ya Siku ya FISTULA duniani Mkoani Kagera kesho Ijumaa tarehe 17/05/2013 katika
Manispaa ya Bukoba maeneo ya Soko Kuu.
Siku ya FISTULA
huadhimishwa duniani Mei, 23 kila mwaka na kuhamasisha wahanga wa
ugonjwa huo unaotibika kujitokeza kutibiwa bure na kuutokomeza ugonjwa huo.
Uzinduzi wa wiki ya
Maadhimisho ya Siku ya FISTULA duniani mkoani Kagera umeratibiwa na Vodacom
Tanzania chini ya Meneja Uhusiano wa Nje Bwana Salum Mwalimu.
AKiongea na Katibu Tawala
Mkoa Bw. Nassor Mnambila ofisini kwake, Salum
Mwalimu alisema, uzinduzi huo unalenga kuwahamasisha wanawake wenye tatizo la
FISTULA kujitokeza ili watibiwe na matibabu ni bure.
Ugonjwa wa FISTULA
unatibiwa katika Haspitali ya CCBRT iliyopo Jijini Dar es Salaam na matibabu
hayo hutolewa bure.
Aidha kwa wanawake wenye
matatizo hayo walioko mikoani wanatakiwa kujitokeza na kuijiandikisha ambapo
watasafirishwa bure na kutibiwa bure katika hospitali hiyo.
Katika uzinduzi huo
watakuwepo wasanii mbalimbali, Mabalozi wa FISTULA (waliotibiwa tatizo hilo na
kupona) Madaktari mbalimbali na wawakilishi wa Vodacom Tanzania pamoja na
wananchi wanakaribishwa.
Vodacom Tanzania wanasaidia
na kuchangia katika matibabu ya FISTULA yanayotolewa bure katika Hospitali ya
CCBRT Dar es Salaam. Aidha, wachangia gharama za matibabu ili kumaliza tatizo
la FISTULA katika jamii kama mojawapo ya huduma zao kwa jamii ya Watanzania.
Uzinduzi huo baada ya
kufanyika rasmi mkoani Kagera kesho tarehe 17/05/2013 pia utapitia mikoa ya
Geita, Mwanza, Singida, Dodoma, Pwani na Dar es Salaam.
Imeandaliwa na:
Sylvester Raphael
AFISA HABARI
RS-KAGERA@2013
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
