RAIS KIKWETE AWASILI MJINI BUKOBA
Rais JAKAYA KIKWETE amewasili Mjini BUKOBA tayari kushiriki katika maadhimisho ya siku ya Mashujaa inayofanyika kitaifa Mkoani KAGERA hapo kesho.
Baada ya kuwasili katika Uwanja wa ndege wa BUKOBA , Rais KIKWETE ameweka jiwe la Msingi la Mradi wa ukarabati na upanuzi wa uwanja wa ndege wa BUKOBA.
Katika hotuba yake fupi kabla ya kuweka jiwe la Msingi Rais KIKWETE Amesema ametimiza ahadi yake kwa kukarabati ujenzi wa uwanja huo
Awali Waziri wa Uchukuzi Dk Harrison Mwakyembe amesema serikali itaendelea na kazi ya kujenga viwanja vya ndege katika baadhi ya mikoa
Mradi wa ukarabati wa upanuzi wa uwanja wa ndege wa BUKOBA umegharimu zaidi ya shilingi BILIONI 21 kwa ufadhili wa Benki ya Dunia na serikali ya Tanzania.
Mradi huo ulioanza February 2012 unatarajiwa kumalizika February Mwakani.
·
Aweka Jiwe la Msingi Upanuzi wa Uwanja wa Ndege wa Bukoba
·
Azindua Jengo la Kitega Uchumi la Chama
cha Ushirika KCU 1990 LTD
Rais wa Jamhuri ya Muungano
wa Tanzania Mhe. Dk. Jakaya Mrisho Kikwete amewsili leo 24 Julai, 2013 mkoani
Kagera na kuanza rasmi ziara yake ya kikazi.
Mara baada ya kuwasili Uwanja
wa Ndege wa Bukoba majira ya saa 10: 30 jioni Mhe. Dk. Kikwete aliweka
jiwe la msingi katika upanuzi na ukarabati wa ujenzi wa Uwanja wa Ndege wa
Bukoba.
Mhe. Dk. Kikwete katika
kuweka jiwe la msingi alisema kuwa hizo ni mvua za rasharasha katika juhudi za
kukuza sekta ya uchukuzi katika mkoa wa Kagera.
Alisema serikali inakusudia
kujenga uwanja wa ndege wa Kimataifa mkoani Kagera Omukajunguti Wilayani
Missenyi ili kurahisisha Mawasiliano na kuundeleza mkoa wa Kagera.
Pia Mhe. Dk. Kikwete
alisema kuwa uwanja wa ndege wa Bukoba umefanyiwa upanuzi na kuwekewa rami ili
wakati wa wa ujenzi wa uwanja mpya wa Omukajunguti utakapoanza kujengwa huduma
zisisimame.
Mradi wa Uwanja wa Ndege wa
Bukoba utatumia gharama ya zaidi ya shilingi bilioni ishirini na moja mpaka
kukamilika kwake na mradi huo ulianza Februari mwaka 2012 na unatarajia
kukamilika Februari 2014.
Katika hatua nyingine Rais
wa Jamhuri ya Muungano wa Tanzania amefungua jengo la kitega uchumi la Chama
cha Ushirika cha Kagera Cooperative Union 1990 LTD katikati ya mji wa Bukoba.
Mara baada ya kufungua
jengo hilo akiongea na wananchi Mhe. Dk.
Kikwete aliwashukuru viongozi wa chama hicho kwa kuwekeza katika maendeleo na
vitu vinavyoonekana.
Vilevile aliwasistiza viongozi
wa KCU 1990 LTD kuboresha maisha ya wakulima kwa kuongeza thamani ya mazao yao
hapa hapa mkoani Kagera ili mkulima anufaike na kilimo cha zao la kahawa.
Aidha Mhe. Kikwete alisema
kuwa KCU 1990 LTD ni chama cha mfano nchini na wananchi kutoka sehemu
nyinginezo nchini wanapaswa kuja Kagera kujifunza ushirika unavyofanya kazi.
Rais Kikwete ataendelea na
ziara yake 25 Julai, 2013 mara baada ya kuhudhuria maadhimisho ya Kitaifa ya
Siku ya Kumbukumbu ya Mashujaa inayoadhimishwa Kitaifa Mkoani Kagera katika
Kambi ya Jeshi la Wananchi Kaboya Wilayani Muleba na yeye ndiye atakuwa mgeni
rasmi katika maadhimisho hayo.
Imeandaliwa na:
Sylvester Raphael
AFISA HABARI
RS-KAGERA@2013
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
