SERIKALI WILAYANI NGARA KUANZA KUSAKA WANAFUZI WASIOKWEDA SHULE.
NGARA: Na Shaaban Ndyamukama, DATE.:April
4, 2014
SERIKALI wilayani Ngara mkoani
Kagera imewataka wakuu wa shule za sekondari wilayani humo kupeleka majina ya
wanafunzi ambao hawajaripoti kuanza
kidato cha kwanza kwa maafisa watendaji wa kata ili hatua zichukuliwe
kwa wazazi wa wanafunzi hao
Mkuu wa wilaya ya Ngara Costantine Kanyasu amesema hayo leo wakati
akiongea na maafisa watendaji wa tarafa na kata kwenye ofisi yake na kudai kuwa muda wa
kupeleka watoto shule kwa hiari umeisha tangu machi 31 mwaka huu
Kanyasu amesema kuwa wazazi pia
wanatakiwa kuwapeleka shuleni wanafunzi hao kwa kukamilisha ada ya shule vinginevyo katika kuondoa usumbufu wazazi
watataifishwa mali zao ili wanafunzi wapate haki ya elimu
“Tumetoa nafasi ya wazazi kupeleka
watoto wao shuleni kwa hiari kulingana na baadhi yao kutegemea kuvuna mazao
na sasa wanauza badala ya kuwekeza
kielimu wanatumia fedha kwenye ulevi sasa hivi ni msako” Alisema Kanyasu
Amesema kuwa katika wanafunzi 2, 770 waliofaulu katika shule 119 za serikali na
binafsi wilayani humo kufikia Machi 31mwaka huu ni 70% ya wanafunzi hao ndio wamewasili kwenye
shule walizopangiwa na kuanza masomo yao.
Aidha amesema viongozi
watakaoshindwa kutumia madaraka waliyopewa kutekeleza maagizo ya serikali basi
wajiandae kupoteza nafasi zao kwa kuvuliwa nyadhifa zao kwani serikali imechoka
kubembeleza katika utendaji wa umma.
BUKOBAWADAU
Bukoba Wadau ni mtandao unao toa habari na matukio yanayo tokea katika mji wa bukoba pamoja na mkoa wa kagera kwa ujumla.
Email:bukobawadau@gmail.com | Phone :Mc baraka:0784 505045, 0754 505043
Instagram @bukobawadau | Facebook @bukobawadau
.JPG)